Novas

A mellor e máis grande XGN R Encounter da historia remata hoxe con altísima nota

infotres@euskalencounter.org (infotres) — Tue, 15 Oct 2019 07:07:09 +0000

Os participantes valoraron moi positivamente os resultados desta décimo novena edición, cun 15% máis de participantes que o ano pasado, o dobre de velocidade de conexión a internet, que pasou de 10 a 20 Gbps, e máis actividades que nunca para participantes e visitantes
Tras esta exitosa edición consolídase a aposta estratéxica de chegar a ser a medio prazo a segunda lan party máis grande de España, por detrás da Euskal Encounter no País Vasco
Finalmente, foron 932 os participantes neste evento, que tamén contou con máis de 2.000 visitantes na Extranet, a zona aberta ao público que ofreceu actividades lúdicas e formativas, de forma gratuíta, a quen se achegou á Feira Internacional de Galicia ABANCA en Silleda (Pontevedra)
A participación nas actividades, conferencias, obradoiros e competicións propostas pola organización incrementouse este año, así como a calidade dos traballos presentados nas categorías de Arte Dixital, o que confirma que no evento se deron cita participantes cun gran talento artístico xunto a expertos en distintos campos tecnolóxicos: programadores, expertos en seguridade informática, afeccionados aos videoxogos…
Este evento, que conta co apoio da Consellería de Política Social e con R como empresa patrocinadora e colaboradora, confirma a súa vocación como punto de reunión dos afeccionados á informática para o intercambio de coñecementos e experiencias

infotres@euskalencounter.org (infotres) — Sun, 13 Oct 2019 07:52:25 +0000

O ponferradino Orestes Carracedo, cofundador de Lighthorse e Navigo, ambas con sede en EEUU, impartiu hoxe unha charla na XGN R Encounter, na que recomendou desenvolver as habilidades e as competencias dos profesionais do sector tecnolóxico, e non tanto pola acumulación de coñecementos sobre as ferramentas informáticas, para lograr expertos máis competentes e eficaces
A empresa Navigo, creada por Carracedo xunto a outros dous desenvolvedores de Estados Unidos e Reino Unido, creou unha aplicación que permite solicitar axuda urxente dende países en situación de alto risco, aínda que non exista acceso a Internet, unha ferramenta especialmente recomendada para ONGs. “É unha satisfacción crear un sistema de alerta grazas ao cal basta pulsar o botón para que veña un helicóptero para salvarte. Grazas ao noso traballo téñense salvado vidas”, apuntou o desenvolvedor
A XGN R Encounter, que conta co apoio da Consellería de Política Social e con R como empresa patrocinadora e colaboradora, ofreceu talleres e conferencias gratuítos para fomentar a divulgación do coñecemento tecnolóxico e hoxe celebra a segunda xornada desta edición no recinto Feira Internacional Galicia ABANCA de Silleda

infotres@euskalencounter.org (infotres) — Sun, 13 Oct 2019 07:43:40 +0000

Esta mañá quedou inaugurada a party, con 72 horas cargadas de actividades por diante, un 14% máis de participantes que na pasada edición, e maior velocidade de conexión a Internet que nunca: 20 Gbps
A lan party conta con postos para cerca dun milleiro de participantes, así como unha zona aberta ao público que ofrece actividades lúdicas e formativas, de forma gratuíta a quen se acheguen á Feira Internacional de Galicia ABANCA en Silleda
O vicepresidente da Xunta de Galicia, Alfonso Rueda, e a directora xeral de Xuventude, Participación e Voluntariado, Cristina Pichel, inauguraron o evento acompañados doutras autoridades
Esta décimo novena edición realizou unha especial aposta pola realidade virtual, un sector tecnolóxico en auxe que ofrece un número cada vez maior de opcións lúdicas e de servizos a empresas e profesionais
Este evento, que conta co apoio da Consellería de Política Social e con R como empresa patrocinadora e colaboradora, segue así dando pasos para converterse na segunda lan party máis importante a nivel nacional

infotres@euskalencounter.org (infotres) — Wed, 11 Sep 2019 09:08:47 +0000

O prazo comeza hoxe e as xestións poden realizarse na web www.xgnrencounter.gal
O evento, que terá lugar no recinto Feira Internacional de Galicia ABANCA, contará de novo co apoio da Consellería de Política Social e con R como empresa patrocinadora e colaboradora